WEL COME to my WONDERWORLD

am afraid

2010-07-31T07:24:00.001-07:00

(Hmanzan ka hla ngaithlak a fuh emaw ni dawn ni, ngaihtuah ngai loh loh ka ngaihtuah phah a, rilru a kal ding fu mai a. Repeat ah ka dah sauh sauh a, rilru a awm ang ang kan thai thla ve ringawt a, thiam vang ni miah lo in blog update ve nan hrim hrim kan chhawp chhuak ve leh pawp mai ang nge
)

am afraid to be behurt!
am afraid to be betrayed.
am afraid to be be-abandoned.
am afraid to be befell inlove....again!

am afraid to make u feel i care,
am afraid to say the 3 words!
am afraid to move on,
am afraid to have my peaceful mind back....again!

I keep on playing, U keep on calling....
I keep on typing, U keep on texting
I keep on surfing, U keep on waiting....
I keep on shouting,U keep on laughing

Got time to see the green
got time to feel the breeze
Got time to face the drops
got time to heal the wounds....

anymore afraid to see whatever happens
anymore afraid to face whatever comes
anymore afraid to rise again
anymore afraid to be the only ONE!

And then i WAKE UP!!

Ragging

2009-11-13T08:56:00.000-08:00

Lehkha zir chhunzawm tur in ka thiante 2, Delhi kal turte nen sumo in Guwahati lam kan pan thla ve pawp mai a. Silchar ah Bandh a lo awm chu niin. Mizoram House-ah kan thu nileng thrak, mahse phurna khan khawlum leh ninawm luttuk kha a hliah khuh ta vek in ka hria. Ka thianpa 1 zawk kha, Vairengte vawi 1 a pelhna kha a ni bawk a, an hlauthawng hma em em khawp a, house gate pawn kan pel hman ngai lo, vai ho an hlauhawm a tia min ko let leh daih zel. A chang leh let leh mai ang u te a ti thul.
Silchar lum luttuk avang khan kan inthlak a, kekawr bul leh t-shirt nen chauh kan awm a. Tichuan, tlai lam dar 6 velah kan chhuak leh ta pauh a.Larymbai vel a lo vawt nasa mai chu niin, towel 1 kha kan thian 3 khan kan han in zawn mai ah, a lum har teh a sin.

Guwahati kan zu thleng thla chu a lo lum uap churh mai a, humidity a san avangin
thlan tla kha a la ban zel zui. Seat hmuh sa a nih avangin college leh hostel addmission chu kan va tifel thei mai a. Tichuan, Hostel kan lut ta a le, fresher tan khan dress code a lo awm chu niin. kamis ban tlawn hak a kilh pum vek tur, ban leh nghawng pawh. Inbengluh thlap a mahse kawng hren hren awih loh, smart shoe bun bawk tur. Zing thawh hlim atang a mut thleng hak reng tur tih thupek chu hauh duhloh chuan zawm ve a ngai ta. Senior room mate nei lo an vanduai leh zual. Zanlai a an kaithawh a an lo smart at loh chuan hauh hrep leh a vanduai zual tan te phei chuan
'biang bod' siah siah kha a ni mai. An mu smart zar zel. Kan batchmate garo pa hian midang awm loh hlanin T.V room ah kekawr bul leh tawn zau nen ke hlang duai in a lo en chu niin, a en rei lo ber awm e!!

Ragging hi Freshers' Day thleng chauh tih theih a ni a, kar 1 leh a chanve vel ka tuar hman a nih chu. (rawn chhukthla hma duh suh ragging i tuar rei mai2 an tih avang in thla 1 velin ka kal tlai lui) Freshers' Day atan drama chan tur an tia, Sholay(?) scene tlem chang mai ang u an tia kan zir ta alawm. Sentence 1 chiah sawi ve tur kha ka nia, "aunty basanti, ......" tih turah khan "uncle basanti, ......" ka ti ziah pek, mahse a ni ah chuan ka sawi ve thlap tho.

Stage ah a mal te te in min ko chho a, an duh2 min tih tir thin a, kungfu show te,
senior hmeichhia propose te, im sorry step chi hrang hrang 10 te leh thil dang neuh2 kha chu a tih theih mai. Vai hla thring un luttuk tak mai kha an han play ta ngei mai le, chutah hlauh ang ngei ngei in "lam rawh le" an han ti mai kha chu(h), har teu teu tak hi a ni ringawt!! Kan naupan laiin vawi 1 chu kan lam chiam tawh chiang mai, a dawt leh tur hi ka huphurh lo, a ngaihna ka hre lo hrim hrim zawk a ni. Senior ten ka lam duh lo emaw an lo ti thung. An thinrim tak ngial dawn in ka hria a, ka maimitchhing tawp a mahni thiam ve dan dan in kan bei
ngheng mai ah!!! ka lam zawh chuan an hlim viau ang chu tih nak alaiin "What dance is that, is that the latest steps?? an han ti kher kha chu ka va ngei tak!! Mahni thiam dan kan lam ve tak trawk trawk a.Tichuan le, an in rawn khawm ta laih laih mai!! repeat an ti deuh nak nak te pawh ka hre thei deuh vuai vuai. Beram, a hmul mettu hma ah ngawi reng in a ding tih hi ka in chan ber. Chutah le, a phusa ber khan Mike kha a la a, vin tawk in "Go back to your seat!!" an ti chiah mai kha chu(h), lehlam hawi in ka khi phei ver ver!!! Repeat tlak ah an ngai vak lo a niang!!!

Heading the jackfruit!!

2009-02-06T01:42:00.001-08:00

A rei deuh tawh a a zahthlak tawh em lovang chu maw!! :D

Kum 2002 vel kha ni ta in ka hria. Dawrpui Jail veng, (Millenium trade center chhak) hi kan tal tam ve na lai a nia. Thian ho hian dawr ah kan thu khawm a kan ti ti luai luai a, nula rim tih vel ai chuan inbihruk siak te kha nuam kan ti zawk daih. Mizoram a independent thei ang nge? tih te khan kan va inhnial rei thei tak.
Zan khat chu a ngaite bawk a kan leng chu zan dar 9:30 velah hian bungkawn lampan in kan hawthla a. Ka thianpa pakhat nen hian inkhuah rial in kan titi thla pah a. Tuna J.L Medicine dawr kawt kan thlen lai tak hian eng in nge min mawlh pawh ka hre bik lo, chunglam pang kan hawi chho zauh pek a(h). Casualty kawt a lamkhuang/laui rah hmin tawh chu ka hmaiah tak an rawn tla pher vek mai a nih kha!! A tlakna a sang tha bawk a ka pe tek nawk nawk mai mawle!!
A na si, nuih a za bawk si, a thlang a mi ding ho khan min hmu ang tih kha ka hlau bawk si. Ka thianpa lah chuan pui tang e pawh ti lo hian min lo la nuih char char zui. A mangan thlak a ni ber e!!
Karkhat chhung kha chu hmai a rang ruai mai!!

Haihawt hi!!

2008-11-01T02:50:00.000-07:00

1) Pawl 12 ka zirlai hian kan final exam-ah hian gap hi an tam thei khawp a. Karkhat laite a ni thin a. Biology subject hi ka subject tih that ve ber na thin niin, percentage tihsan nan tiin ka zir nasa reng bawk a. He subject kan exam ni hian kan subject neih hnuhnun ber a ni bawk a tiin hma tawk ah tho in ka zir leh ta char char a.

Chaw ei khamah chuan a tawp nan tiin chawhma pum ka ennawn leh ta char char a. Chuan chhunah exam tur in 'confi' tawk in ka kal ve ta vah vah mai a. High field panna Zarkawt kawng chho ka kal lai khian exam ve tur tho ka thiante ka hmu ta miah lo. Nidangah chuan Zarkawt vel atang hian kan kal ho thram thram thin kha a ni si a. Ka tlai em ni chu aw ka ti rilru ta a. Ngaihtha luttuk lem lo tak chuan hmanhmawh deuhin ka kal ta hmawk hmawk a, kawng chanve vel ka thleng chho tawh ang a tih vel ah chuan kan biology subject zirtirtu, Miss Tluang-i chu ka tawk a.

"Khawnge i kal dawn?"

"Ele, ka exam dawn"

"Eheeeeeee, chawhma khan an exam zo vek tawh alawm!!!" an ti chiah mai chu(h) rilru a hah duh ngei mai!!!

Haihawt vang liau liau in pawl 12 chu kan zir tha leh ta pauh a. :-)

2) Hmanni lawk a Guwahati KTP Thalai Day kan hman dawnin group hrang hrang te kha kan inelna tur zir turin kan inthendarh a, Samuel-a group ten vestry-ah hla kan zir a. Kan zir zawh hnu in kawngkhar ka kalh fel thlap a. Biak In ah lut khawm lehin a hnu lawkah kan bang ta a. Kan haw lam kawng chanve vel kan thleng tawh ang tihin ka kawr hma ipte kan zen chu(h) Biak in chahbi kha a lo la awm chu niin!!! Trul lo zetah let leh a ngaih phah!!! :-(

3) Tukkhat chu ka college kal tur thawh ka hai deuh bawk si nen khan hmanhmawh zet in ka insiam a, kal mai ka tum laiin ka mobile ka hmu zo ta tlat lo mai a. Kan zawng ngial thin, ka dahna thin awmah a awm bawk si lo, ka tlai trep tawh bawk si. "Pawi lo, vawiin chu keng lo mai ang" ti rilru chungin ka room kawngkhar ka kalh tur chu ka thil ken avangin ka kalh thei ta mai tlat lo. Kan enchiang chu ka kut veilamah chuan ka mobile chu ka lo hum reng chu niin!! :D

4) Duh tawk mai ang, a HO hlawm dawn emmm mai!! :-)

A tir in.....!!!!

2008-10-13T07:07:00.000-07:00

Thenkhat in a 200 chuang chuang an post tawh laiin hei ka rawn tan ve chheh chheh chauh mai a(h). Han ziah tur em em pawh ka la hre mai lo, nakinah ka la rawn ziak treuh ang han ti dawn ngawt ila ziah treuh tur ka hriat em em pawh ka ring vak chuang lo nangin ziah tur a lo awm tak leh kan la ziak ve mawlh mawlh mai a niang chu.