1) Pawl 12 ka zirlai hian kan final exam-ah hian gap hi an tam thei khawp a. Karkhat laite a ni thin a. Biology subject hi ka subject tih that ve ber na thin niin, percentage tihsan nan tiin ka zir nasa reng bawk a. He subject kan exam ni hian kan subject neih hnuhnun ber a ni bawk a tiin hma tawk ah tho in ka zir leh ta char char a.
Chaw ei khamah chuan a tawp nan tiin chawhma pum ka ennawn leh ta char char a. Chuan chhunah exam tur in 'confi' tawk in ka kal ve ta vah vah mai a. High field panna Zarkawt kawng chho ka kal lai khian exam ve tur tho ka thiante ka hmu ta miah lo. Nidangah chuan Zarkawt vel atang hian kan kal ho thram thram thin kha a ni si a. Ka tlai em ni chu aw ka ti rilru ta a. Ngaihtha luttuk lem lo tak chuan hmanhmawh deuhin ka kal ta hmawk hmawk a, kawng chanve vel ka thleng chho tawh ang a tih vel ah chuan kan biology subject zirtirtu, Miss Tluang-i chu ka tawk a.
"Khawnge i kal dawn?"
"Ele, ka exam dawn"
"Eheeeeeee, chawhma khan an exam zo vek tawh alawm!!!" an ti chiah mai chu(h) rilru a hah duh ngei mai!!!
Haihawt vang liau liau in pawl 12 chu kan zir tha leh ta pauh a. :-)
2) Hmanni lawk a Guwahati KTP Thalai Day kan hman dawnin group hrang hrang te kha kan inelna tur zir turin kan inthendarh a, Samuel-a group ten vestry-ah hla kan zir a. Kan zir zawh hnu in kawngkhar ka kalh fel thlap a. Biak In ah lut khawm lehin a hnu lawkah kan bang ta a. Kan haw lam kawng chanve vel kan thleng tawh ang tihin ka kawr hma ipte kan zen chu(h) Biak in chahbi kha a lo la awm chu niin!!! Trul lo zetah let leh a ngaih phah!!! :-(
3) Tukkhat chu ka college kal tur thawh ka hai deuh bawk si nen khan hmanhmawh zet in ka insiam a, kal mai ka tum laiin ka mobile ka hmu zo ta tlat lo mai a. Kan zawng ngial thin, ka dahna thin awmah a awm bawk si lo, ka tlai trep tawh bawk si. "Pawi lo, vawiin chu keng lo mai ang" ti rilru chungin ka room kawngkhar ka kalh tur chu ka thil ken avangin ka kalh thei ta mai tlat lo. Kan enchiang chu ka kut veilamah chuan ka mobile chu ka lo hum reng chu niin!! :D
4) Duh tawk mai ang, a HO hlawm dawn emmm mai!! :-)
13 comments:
LOL - haihawt ve hleee mai, I mobile zawng ber mai khi! haha I pawl 12 beihnawn na chhan ang khi, ka school kal laizawng a ka nightmare neihna nasa ber te pawl ami ania, ka mumangah khan a thleng zing thei khawp mai mahse vanneihthlak takin a tak lamah chuan a thleng ta em lo.
Hehehe, keipawh hi ka han haihawt ve mai mai khawp a. Vawikhat chu ka nihliap khum lai reng ka zawng chiam tawh.. sawi pawh a zahthlak hle, mahse haihawt ve chiang em bawk si a.. Kan in ka kal pel ngut ngut tawh bawk..:)
A ngaihnawm em em e hotupa..
Haihawt ve hle mai a, tunlai khawvel thang nasa tawh takah hian keini haihawt tan hian tarmit leh remote control a ringtone an la vuah lo hi chu a vui awm lek lek thin :) haha
mahse khi, kum 1 lawih lost phah nan chuan a va uihawm ve le...
@jerusha
i nightmare hi ka chungah a lo thleng dik reng zuk nia le.....i mumangah pu zoramthanga fapa ang in min lo hmuh tum leh teh a, a thleng dik leh mahna...lolzzzz
@puia
Eeee hotupa te meuh pawh in lo chhe fuh lo ve thin tho a ni maw!!! haihawt damdawi te hi in awmna lamah te khan an zuar mial lo maw!!! :D
@kanidar
bial nu te em chu kan la theihnghilh lo a a la vanneihthlak viau e...maths ka lak duh ngawih2 laiin chhung ten an phal si lo a kum 2 ngawt biology kan zir nawn pek kha :-(
:banghead:
ekhai unaupa chu lo haihawt ve hle mai..keipoh helam ah nanana hi chuan thlahtu te atang rengin kan thisen ah a bet emaw tih mai tur a nia. Mahse i Cl-XII nawn phah khi chu rei tawh tho mahse poi ka lo tih pui hle mai che. Kei pawh hi tarmit phelh lova hmaiphih, car chahbi kalh hnan, mahni leh mahni in missed call tiah tiah, (handset bo zawn nan) tih vel hi chu nunphungah ka neih deuh toh a, mahse nimina ka purse ka hmu zo lo missed call tuma ka handset ka ban zet mai kha chu ka zak ve deuh! Haihawt hi zawng, an rilru a tha an ti ania!
I van haihawt ve :)
Pawl ngai a suk nawn phah nan chuan aw..:) A ngaihnawm khawp mai, han ti zel teh :)
Haihawt khawp mai, blog update pawh i theihnghilh tawh niin ka hria... hahaha
hahaha.. i haihawt ltk. i haihawt te i theihnghilh thin em ni???
blog update char2 teh..
@dd
Nia, haihawt ho hi chu kan rilru a tha tlangpui.
@pu seki
blog pawh haihawt luat ah update nachang pawh kan hre lo a nih hi le. happy chinese new year!
@kanidar
orkut a i pic dah saw i sawifiah hma loh chuan ka blog hi ka update dawn lo rengs!!
@joseph
han update char2 dan tur pawh ka va hre lo em. Kan khaw hawi hi a zim luttuk a (mi ka chhung chauh a nia). Eng eng emaw ka la rawn zawt thin dawn che nia auh!!
I haihawt lutuk a, blog update i theihnghilh a mi a? lol
Sikul kal lai an sawi chhuak vak vak ngai lo!
Ho ka ti nek lo...ka nui hiar2 mai...NUPUI nei vat rawh .Chuan reh ami ang.Hetiang chhiar hian rilru a hlim thin .Rawn ziak zel teh auh lalpuwonder....
In la haihawt tawk lo hlawm em mai, ka haihawt dan chu ka sawi ve lo mai ang, ka in nghahna deuh ber chu haihawt chu an rilru a thra tih hi a ni ta e :)
Post a Comment